الهدف القومي المباشر: إستكمال الإستقلال و تحقيق السيادة

في ركام التخلبيز السياسي التونسي فإنو العركات البينية بي التيارات السياسية جبدت مسألة الثروات الباطنية، النهب الفرانساوي، الاتفاقيات السرية و حقيقية الإستقلال التونسي و بش ما نغطسوش في “تڨنڨين”: المؤرخين، الصحافيين و رجال القانون هات نتعدو للصندي.

نحنا متفاهمين انو إستقلالنا منقوص و سيادتنا منتهكة: إذا لنعمل على إسترجاع الإستقلال و تحقيق السيادة و نتعدو مباشرة للإجابة على سؤال: كيفاش؟

 

أولا/ إستكمال الاستقلال

 

  1.  إستكمال تعريب كل الوثائق الرسمية التونسية الي يصير بيهم التعامل بين الدولة و المواطنين.

  2. إلغاء كل الافتات المكتوبة بالفرنسية و المشيرة للأماكن أو المؤسسات العمومية.

  3.  تبديل كل أسماء الأنهج و الشوارع المحيلة للاستعمار الفرانساوي بداية من العاصمة بشوارع “شارل ديغول”، “جون جوراس”، “باريز”…….

  4.  إصدار إعلان تونسي يجرم تماما الإستعمار الفرانساوي.

  5. تبديل لوغة التعليم العلمي و التقني بالانقليزية.

  6.  إلغاء كل البعثات التعليمية للجامعات الفرانساوية و تبديلها بالجامعات الألمانية أو الامريكية الي هي أرقى.

  7.  تبديل مقر سفارة فرانسا لأي مكان آخر الا “مقر الإقامة العامة” سابقا.

  8.  تنظيم و تقنين حدود التحركات الدبلوماسية الأجنبية في تونس.

  9.  إلغاء عقد الملح مع كوتوزال و كل عقود الثروات الباطنية مع الشركات الفرانساوية.

  10.  فك الإرتابط بين منظومة المعيرة التونسية و نظيرتها الأوروبية.

  11.  نسخ الأرشيف الفرنسي المتعلق بتونس و نشرو للباحثين التوانسا.

  12.  إسترجاع كل الخرائط التونسية و المطالبة بإسترجاع الآثار المسروقة.

 

ثانيا/ تحقيق السيادة

 

  1. . منع التداين من الخارج و يكون هذا بقانون دستوري يمنع على الدولة التونسية إنها تقترض من الخارج و لو متنا من الجوع.

  2.  منع كل أنواع القواعد و الوجود العسكري الأجنبي في تونس مثل التواجد العسكري الأمريكي في في القاعدة الجوية ببنزرت.

  3.  تجريم و الحكم بالإعدام على كل مسؤولي الأحزاب الي ياخذو أي دعم مالي أو عيني من الخارج.

  4. إلغاء كل منظومة دعم و تشجيع السياحة و تعويضها بمنظومة دعم و تشجيع الفلاحة.

  5. تأسيس نموذج إقتصاد إنتاجي يعتمد: الفلاحة ثم الصناعة و من بعد التقنيات الحديثة.

  6.  إعادة تأسيس المنظومة البوليسية على أساس قدسية الدولة و المواطن التونسي.

  7.  إعادة تأسيس المنظومة الدفاعية العسكرية على أساس “الأمة الحربية” و الإعتماد على الذات في مواجهة كل الإعتدائات.

  8.  الإنسحاب من كل المنظمات الدولية الزايدة: جامعة الدول العربية، منظمة الفرانكفونية العالمية و الاتحاد من أجل المتوسط.

 

 وقت الي نولو إناقشو الإجرائات هذي: فإنو بدينا بشقان الطريق الصحي و تجاوزنا “تقشقيق الحناك” و “التكعرير السياسي” و قدمنا خطوات حقيقية في مسار تحقيق الذات التونسية.

 

من أجل #السيادة_التونسية
تحيا تونس
تحيا الأمة التونسية

Visits: 232